اخبار Alex القاهرة اليوم
مقالات مشابهة
قصيدة : مين يقدر يمس بلدنا..
ياعم الحاج عطيه
مالك ايه القضيه
وايه دخل مصر بيها ؟
متقولى ايه الحكايه
احكيلى م البدايه
مين عايز يخرب اراضيها؟
ارهاب. ماله الارهاب
دولا شوية كلاب
ولا ليهم اى لازمه
مين يقدر يمس بلدنا
اويفكر يئذى ولادنا
او يعمل ف مصر ازمه؟
ياعم متشلش الهم
وقولها بملو الفم
بلدنا فيها رجاله
سهرانه مبتنمش عنيهم
وبلدهم امانه ف ايديهم
ودى مش محتاجه قواله
رجالة فعل مش صوت
لا يخافو ولا يهيبو الموت
وكل هدفهم حمانا
واللى يفكر يتعدا حدوده
بيمحو م الدنيا وجوده
وف كل مكان معانا
وانا عن نفسى رايح الجيش
لجل ماحميكم واحمى عرضى
وانتى يا أمى متخفيش
أنا قادر احمى ارضى
وان جتلك يوم شهيد متزعليش
وامشى ف جنزتى متصوتيش
زغرتى وقولى لكل الناس
ابنك مات عشان مصر تعيش
وقولى لأبنى ميزعلش عشانى
وبلاغيه منى الوصيه
قوليلو يكبر يكمل مكانى
ويحافظ ع الارض المصريه
ويا شعب مصر متخفوش
اخواتى من بعدى مكملين
رجاله صحيه وحوش
شايلين الحمل وقادرين
وبيهم مصر ف امان
لحد يوم الدين
ودى رساله لكل انسان
على لسان رب العالمين
اللى قال ف القران
أدخلو مصر إنشاء الله امنين
امنين امنين
كل ما يتم نشره من كلمات
مسجله بأسم ايمن امير البحر
