أخبار عاجلة
الرئيسية / اخر خبر / ماهى علاقة النائب رزق راغب ضيف الله بالأدمان ..؟! مجرد سؤال يبحث عن أجابة .!

ماهى علاقة النائب رزق راغب ضيف الله بالأدمان ..؟! مجرد سؤال يبحث عن أجابة .!

 

مجرد سؤال يكتبه المحرر ..:

يقال ان النائب السكندرى ( رزق راغب ضيف الله ) سليل عائلة المجد السياسى فى غرب الأسكندرية ، انه بصدد انشاء مستشفى لعلاج الأدمان فى منطقة العجمى ..! تحمل اسم حد مانعرفهوش خالص .! لا ينتمى لعائلة ( ضيف الله )  العريقة ..!
الناس فى الأسكندرية تسأل ايه علاقة النائب بالأدمان .. يعنى هو دكتور بيفهم فى الموضوع ده .. ولا له تجارب سابقة فى علاج بعض المواطنين فى دائرته من الأدمان اللى ماحدش بيشفى منه وبترجع ريمة لعادتها القديمة دايما  ..!
بصراحة هذا المشروع يحمل القيل والقال والناس فى العامرية كلمتنى عن الموضوع ده اكتر من مرة واكتر ومن حد  .. وكانت بتسخر منه ..!
هناك  اللى قال ده مجرد شو اعلامى  زى مشروع الكلى اللى ماكملش فى مستشفى العامرية ولا حايكمل فى سنته دى خالص .. طبعا عشان الأنتخابات قربت وعايز يكسب مشاعر الناس واصواتهم فى ظل نزول منافسين هو شخصيا مايعرفهمش وحايبقوا تقال جدا سياسيا لأنهم مدعمين من الرئيس نفسه والجيش .. طبعا من بين الأصوات المستهدفين  الأمهات اللى قلبهم بيتقطع على ولادهم المندمنين ..!
والبعض قال دى مجرد سبوبة اكل عيش .. لأن المستشفيات دى بتدر عائد مادى و مالى كتير جدا .. !

رد عليه واحد تانى ( ياعم هما الناس دى محتاجة فلوس ده مجرد منظرة وفى النهاية بيفضل المدمن مدمن مدى الحياة فى ظل سيطرت الساحرة المسمومة على روح المدمن الذى يتعاطى ( الهروين ) .!
لكن العبد لله رد على الكل وقولت :

لو صدق النائب فى نواياه يبقى هدف نبيل منه ومن عائلة ( ضيف الله ) ..!
نريد الأجابة من سيادة النائب الذى له حق الرد .! فحق الرد مكفول ومجانا ببلاش يعنى يا باشا ..!

عن Alex

شاهد أيضاً

نصر خير الله .. يفوز بشخصية العام ٢٠١٩ في مواجهة الأرهاب والتصدي له فكرا وعملا .!

أخبار الشرق الأوسط كتب .. أحمد بكر سليم راح يختار دربه .. من عمق الوطن …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*