اخبار Alex القاهرة اليوم
مقالات مشابهة
أخبار الشرق الأوسط :
المكان بجوار مسجد سيدى بشر .. حتة كرتونة فارغة مركونة بجوار المسجد .. لفتت نظر آحد الفهلوية والفهيمة ، واللى مالهمش شغلة .. وراحت الأسئلة تحوم فى رأس آحد المارة .. ياترى فيها ايه الكرتونة دى ..؟
وكان ناقص يستحضر روح الفان الراحل ابن اسكندرية ( محمود عبد العزيز ) ليستكمل الجزء الثانى من فيلم ( أبو كرتونة ) .. والتفت الناس وتجمهرت فى غفلة من الزمن حول الكرتونة .. وفتحت الأتصالات وتم تصوير الكرتونة من خلال عشرات الهواتف .. وعلى الفور الفهلوية رفعوا الصورة على الفيس بوك .. وبدأت المشكلة تتفاقم .. اللى يقول ابعدوا الناس وراح يحذر من تلك الكرتونة المشبوهة الملعونة .. واللى تصرخ وتولول .. واللى يعمل فيها ابو العريف محاولا الكشف عما تحوى الكرتونة محاولاً انقاذ الموقف ..!
وهكذا فى دقائق معدودة انتشر الذعر وعم ارجاء الأسكندرية .. وجاءت هجمة الصحفيين .. واللى عايز يبقى صحفى .. واللى عامل صفحة اسمها اسكندرية وضواحيها واسكندرية الآن والغد .. وعلى ودنه ..!
أثارت الكرتون البلاستيك المزعومة ،حالة من الذعر البين بين أهالي منطقة سيدي بشر شرق المحافظة ، بشكل يفوق الدهش والخوف ..!
ووعلى آثره تلقت غرفة عمليات الحماية المدنية، ومديرية أمن الإسكندرية، برئاسة اللواء محمد الشريف، مساعد الوزير مدير أمن الإسكندرية، بلاغًا من الفهلوى المذكور اعلاه ، يفيد العثور على جسم غريب بجوار مسجد سيدي بشر، شرق الإسكندرية، وانتقل مأمور وضباط قسم شرطة المنتزه أول وبرفقتهم قوات الحماية المدنية والمفرقعات إلى محل البلاغ، وبفحصه تبين سلبية البلاغ، وأن الجسم الغريب عبارة عن كرتونة وبداخلها عدة زجاجات دواء فارغة، وليس به أي مواد متفجرة.. شوفتم بقى الفهلوة وتشغيل الدماغ والفراغ .. .؟!
من المسؤل عن هذا الذعر الدولة .. ام اصحاب وقت الفراغ .. ام الجهل وقلة الوعى ..!
