اخبار Alex القاهرة اليوم
مقالات مشابهة
أخبار الشرق الأوسط :
الكدب على رئيس الجمهورية .. رودى بالفعل وبالتواريخ والأرقام والشهادات اول قبطانة عربية ..!
كتب : رئيس التحرير
ذرفت عيناها الدمع السخين .. لحظة أن شاهدت تكريم غيرها على الهواء مباشرة وامام الرئيس السيسى ..!
لما البنت المصرىة تأخد القرار انها تكون .. تكون زى ماتكون وفى اى موقع وتحدد موقعها وبوصلتها وترمى الحداف بالمجداف وتصطاد “صيد ثمين ” وهو التفوق والنجاح .. تذاكر وتجتهد وتسهر الليل من آجل أثبات الذات .. من آجل هدف نبيل تدفع من عمرها وسعادتها التمن وتنسى نفسها وماتفكرش فى ملذات الحياة زيها زى اى بنت بتحلم ” بعدلها ” بيوم ماتلبس فستانها الأبيض .. وتمر السنين نلاقيها نجماية على كتاف الوطن بوش بشوش وابتسامة عريضة بطول وعرض الأرض الخضرا ام العصافير ..!
” فوزية السيد ” أول قبطانة على مستوى الوطن العربى .. إسكندرانية مصرية حتى النخاع .. وعشان بنت جدعة ومحترمة لأبعد حد كان لازم يحاربوها عشان ماتظهرت .. الأحجاد والسوداوية جعلت المسؤلين فى ” الأكاديمية ” وغيرهم من نجوم البحر انهم يرفضوها .. انهم يتجاهلوها برغم انها خريجة 2007 واول بنت بتدرس فنون الملاحة على مستوى الوطن العربى .. وتخرجت بتفوق تحسد عليه .. لكن لما جم يقدموا للرئيس ” عبد الفتاح السيسى ” هذا النموذج المشرف قدموا بنت تانية وخريجة 2009 _ 2010 يعنى بعد ماشاب ودوه الكتاب ..!
كدبوا على الرئيس كدبة كبيرة .. وقدموا ” بنت آخرى ” .. والرئيس كرم رقم 3 ونسى يكرم رقم 1 .. اول قبطانة عربية ..!
وهناك سر كبير او جهة ما بتحاول محاربة تلك القبطانة وعدم ظهورها .. لكن الحقائق جالية تشير بأنها اول ضابط ثالث بحرى وكرمت من التحاد الدولى للملاحة لأنها بالفعل خريجة دفعة 2007 واول بنت نزلت تدريب فى البحر وعمل فى البحر .. لكن المجتمع الذكورى يرفضها .. فهل ينصرها الرئيس السيسى الذى ينحاز إلى تلك النوعية الشغالة المجتهدة ..؟ نعتقد ان الرئيس سيدافع عن الحق ..!
بالآجدر وبالآحرى كان ينبغى على القائمين على هذا الأمر أن يظهروا الحقيقة للرئيس ” السيسى ” منذ البداية ولكنهم تناسوا الحقيقة الواضحة وضوح شمس النهار .. تناسوا عن عمد التواريخ والأرقام والشهادات والتاريخ اللى شاهد عيان على مثل هذه الكدبة التى لا يمحوها اى تبرير لمواقفهم المخزية ..!
ومن هنا نقول للرأى العام العربى والمصرى والسكندرى .. وخاصة إسكندرية ان ” القبطانة فوزية السيد ” بتتحارب ويجب الوقوف بجوارها حتى لو كدبوا على الرئيس .!
