اخبار Alex القاهرة اليوم
مقالات مشابهة
أخبار الشرق الأوسط :
منذ وفاة اخي فيما يقرب من ٥ سنوات ، لا استطيع أن اقول أن الله أنعم علي والهمني الصبر والسلوان .!
حقاً فقد تكون نعمة النسيان ، اختص بها بعض البشر ، حتي لا يحملهم مالاطاقة لهم به .. وقد يعاقب من هم مثلي بنقمة عدم الصبر علي البلاء . . لكن للأسف الشديد .. مع كل حاله وفاة مشابهة لحاله وفاة اخي ارجع لنقطة الصفر ، وابدأ من أول السطر مرة آخرى :
وكأني راجعة لسه من الدفنة .. ولظروف اليوم موت احد الشباب اقاربنا فجاة وعمره ٣٥ عاماً يافعاً ، يانعاً ضحوكاً جميلاً ، وترك طفلاً عمره ٣ سنوات و جنين في بطن امه عمره شهور سوف يأتي الي الدنيا ويجد اسم ابيه فقط في شهاده الميلاد .. ثم البطاقه الشخصية ويسمع عنه حكايات من اقاربه واصدقائه ومن امه .. ايوه امه انا مش هاتكلم غير عن تلك الشابة الجميلة الصغيرة الملكومة .. المكتومة التي تنظر في استغراب لوجوه الناس والي طفلها الممسك بلعبة ويجري وسط الكراسي ويمسح الناس علي شعره .. وتنظر تاره اخري الي بطنها وتعود للنظر في وجه ام زوجها واخواته البنات ، وكأنها تقول لهم انا منكم وماليش غيركم والام والبنات لايحركون نظرهم من عليها وكأنها ماتبقي من ابنهم الشاب . .!
هذا هو المشهد الأول وليس الآخير لهذه الزوجة ’ . . اعتقد انها لن تبحث عن ميراث ، ولا عن معاش ، ولا عن تعويض ، ولا عن تآمين .. ولايمكن أن تفيق من هذا الكابوس المزعج الا بعد اعوام طويله ..!
ولأن عائلتي جنوبية لن تسطيع هذه السيده أن تلون ” الإيشارب ” ليس حزناً فقط ولكن هي في مرحله اللا وعي ، وكيف تقبل الصدمة ..؟!
وماذا سأفعل بأولادي وعمر زواجي فقط اربعة سنوات ..؟!
اكيد هي فى دوامة ومحتاجة بس تروح تبص في دولابه يمكن تمسح علي جزمته . .!
انا يمكن احكي عن الست دي بعد سنه لكن ممكن احكي عن ست تانيه كان عويلها مزيف وصراخها تمثيل ولم تنزل منها دمعة ، وبعد ١٥ يوم فقط كانت بتحب وتتحب وتكلم الأمارات فى الفجر وبالساعات وتروح مول العرب وتشتري هديا وتتصور سليفي بعد شهر وبعد شهرين تلاتة تركب مركب وتشم النسيم وتعمل توكيلات محامين علشان تدور علي ميراث ملاليم ، وعايزة معاش في ظل ان في ناس معاشها ٨٠ جنيه لكن ماتقدرش تخرج تاخده من الكسوف ، وتاخد ديه شاب من سائق متهور وتاخد تآمين عربية اتهرس فيها الشاب وترفع قضايا علي كل الأصحاب وقبل سنه كانت مقرره الجواز وكأن الشاب اللي راح كان ابن الجيران .. ولا كلت معاه لاعيش ولاملح ولاشافت هنا ولا شافت فرح ولااتنقلت من مكان ولا كان لها فالحسبان .. وغيرت الاسامي بكل غل وحقد وسواد قلب ومسكت العيله ماخلت فيهم حد الا واذيته ومسكت شويه مفاتيح فاكره انها بيهم هاتطيح ..!
فعلاً هي طاحت وراحت وتقول ده ملكي . وده ميراثي والله ده انتي لو بنت اللواء ” المراسي ” ماكنتي تبقي بالجبروت ده مع انك كل حكايتك انك بنت نمرود والحكايه علي مراي البصر وجوازات تروح وتختفي اشي رسمي واشي عرفي واشي فوستقي والاهل بيتفرجوا من بعيد ونجيب لهم محامين علي حساب الميتين ويقولوا متبرين لكن علي مين . .!
عصابه مقسمه الادوار من يظهر النهارده ومين يختفي ومين نستعمل تليفونه ومين نخاصمه ويبقي بعيد لحد مانتلم تاني ونلبد في حد من غير مايحس بينا حد ده ونرجع سمن علي عسل ونعمل مغات لست البنات اللي جرستنا فالبلاد ونتصور سلفي ونغيظ الضرات ونحافظ علي اخر الجوازات وابوكي السقا مات ونعمل محاضر ونيابات ومحاكم وحكايات وبعد ماكان اسم الولد وابوه يجلجل فالقاعات بقي بسبها يتحط فالرولات .!
وياعيني علي بنات تلبس بيجامات وتعمل بيهم عارضات بعد ماكانوا اميرات وكل يوم حكايه ونفسنا فالنهايه لكن ياما عملت من اول ماتكري مجرم يشويه لحد ماتجيب كل يوم محامي يلون حتي الجرايم اتعملت والدفاتر اتسحبت والولاده واتولدت وكل في غل يذيد وعايزه تحط اهل الولد فحديد لكن دي ناس كبيره وانت كنت غلطتهم التقيله ولاعرفتي توديهم مركز ولا حضروا جلسه ولا نيابه طلبتهم وانت لفيتي البلاد كعب داير زي المجرمين والمتهين بس ده شئ طبيعي لان واضح انك نسيتي نفسك انت بنت مين وهما ولاد مين ..!
وكل ده وعملنا ناسينه ورجعنا لورا وقلنا رحمنا مسامحينا ونجيب تليفونات يحبوا بيها بعد الممات ويشتموا البنات عمتهم فالمسجات والله تار وهايفضل نار لكن مسكنا خيط القوده وهاتيجوا بيه في ايام معدوده ..!
عزاء الشباب بيقلب المواجع ويرجع المرار طافح ومشهد العروسه الحزينه بنت الاصول والعيله واقفه زي الاسود تاخد عزي جوز بنتهم اللي كان ابنهم ولاحد فيهم لبس جلبيه ولا حلق دقنه وباع مهلبيه ولا اتحركوا من مكانهم زي الجبال عارفين ان بنتهم هاتشيل من النهارده حمل جبال ولو فابطنها بنت هااتطلع بنت ابوها واكيد اهلها هايجبروها تسمي بنتهم باسم عمتها ولاجدتها علشان تروح بيها لاابوها قبل ماهي تدخل تربتها وتقوله لو هنام فسرير مش هايبقي غير جنبك هنا وكأنه حرير والتربة انا وانت فيها حتي لو جاني امير ..!
بنات الاصول اختاروهم مش علشان تتجوزوهم . علشان يوم جنازتك ناسك تاخد عزاك وتعرف من بعدك تنام ..!
