اخبار Alex القاهرة اليوم
مقالات مشابهة
أخبار الشرق الأوسط _
(( كدة عالماشى ..! ))
بقلم : رئيس التحرير _
مكتب العلاقات العامة والأعلام بمحافظة الأسكندرية تربطنى به علاقة قديمة جداً .. ومع ذلك خشى من تقديم الدعوة لى بالحضور لأستقبال السيد المحافظ عشان عارف اننا مش بنطبل لحد مع اننا بفضل الله رقم 1 فى إسكندرية ده بالأرقام فى عملية البحث على جوجل مش كلام مرسل .. !
و لأنى لو كنت موجود فى زيارة المحافظ لطريق أم زغيو .. كنت حاحرجه .. مش على نفس أسلوب استاذى مفيد فوزى .. ” تسمح لى أسألك واحرجك ” لاء كان السؤال حايكون مباشر وفى الوش وعلى الملاء .. !
ياسيادة المحافظ هو الهدف من زيارتك وتفقدك لطريق أم زغيو ايه ..؟! عشان تشوف على الطبيعة المآساة اللى بتعيشها الناس من ميت سنة .. وتيجى تبص ووراك الحاشية والمنتفعين والمبخراتية وتبتسم وقبل ماتمشى سعادتك تقول ( حانعمل اللازم انشاء الله ماتخافوش ياولاد .. مش حايحصل حاجة .. ويتعاد مشهد استاذنا الراحل ” نور الدمرداشى ” لما قال عبارته الشهيرة فى فيلم ” المولد ” (( مافيش حاجة أبداً ..! )) .. شكراً لسيادة المحافظ انه مادعنيش ده من مصلحته .!
