اخبار Alex القاهرة اليوم
مقالات مشابهة
أخبار الشرق الأوسط _
( كدة عالماشى .! ) مقال رئيس التحرير
عشرات من الرسائل ارسلت لنا عبر حساباتنا وروابتنا .. تشتكى من عمليات النصب عليهم والشروع كذلك فى النصب .. من خلال اعلانات طرت بطريقة جديدة وراقية .. تقدم من خلالها عروض كثيرة فى كل ربوع مصر .. وخلفهم مندوبين متخصصين فى اقناع الناس بشتى الطرق .. المهم انك ستقع فريسة سهلة فى شباكهم ..!
تلك الشركات الوهمية كترت اغلبهم كانوا سماسرة شقق واراضى .. شغلوا دماغهم لما السوق وقف معاهم فكونوا تشكيل عصابى فيما بينهم وكله بيقلد كله فى الشر وجمع المال الحرام .. وتلاقى بينهم وشباب متعلمين خريجو جامعات بيعرفوا يشتغلوا ” جرافيك ” وفاهمين فى تكنولوجيا الأتصالات وبيفكروا .. نفس فكر الهاكر زمان .. ازاى يسرقوا حسابات الناس ويبتزوهم بعد كدة ..!
كذلك هناك بعض رجال الأعمال اللى فلسوا وخسروا فلوسهم فى البورصة مع بعض الشباب اللذين عملوا كمناديب فى شركات مقاولات حقيقية وتركوها لما قال الواحد لنفسه : انا ممكن يبقى عندى شركة واقب وابقى مليونير فى شهور مع كام اعلان على الفيس بوك ودى مش شغلانة طول ما الطماعين موجودين يبقى النصابين بخير ..!
من يرحم ضحايا تلك الشركات من النصابين والمحتالين ومدعى رجال اعمال لهم تاريخ وأصحاب مشروعات حقيقية فهناك شركة تنهبت فلوس الناس فى التجمع الخامس وبشتغلوا على ناس معين اغلبهم برا مصر .. اسمها صاروخ للأنشاء والتعمير او طيارة ميراج حاجة زى كدة .. على مباحث الأموال العامة فى القاهرة أن تتحرك وتجمع التحريات ونحن مستعدون لتقديم بعض المعلومات والمستندات عن تلك الشركة نرجوا ان إدارة البحث الجنائى تدعم مكتب مباحبث الأموال او مكتب المتنوع لأن فيهم مسجلين خطر غيروا نشاطهم ..!
إن هذا المقال بمثابة بلاغ رسمى .. وغداً سنتوجه للنائب العام ببلاغ رسمى ضد بعض الشركات بالمستندات والضحايا .!
