اخبار Alex القاهرة اليوم
مقالات مشابهة
أخبار الشرق الأوسط _
ياجماعه انتوا بتستعجلوا ليه في نزول نعي عن فنان ..؟!
ده بيكون لسه فيه النفس والروح لساها ساكنه جسمه ..!
حاجة غريبة … هو بيكون من بقية عيلتكم مثلا ..؟!
وعايزين الناس تلحق الدفنه والعزا وتلحق الغداء على روح المرحوم .. حاجه غريبه جدا مش لاقيه لها اي مبرر اخلاقي .. !
عن خبر وفاة الفنان حسن حسني بتكلم ..
وقبله من يومين سمير الاسكندراني .. و كل سنه خبر وفاة عادل امام .. وامبارح سوزان مبارك وغيره ..!!!!
ايه الغرض انك تلحق تقول الخبر المفبرك قبل الاخرين . !؟
هل ليك ميراث عند الراجل عايز تلحق تبرك عليه ..!؟
هل ماعندوش ولاد فاتثبت انك الوريث الوحيد .. ؟!!!
هل الخبر علي الفيس بسرعة من صفحتك ده معناه .. الحيازه الامنة والمطمئنة لجزء من التركه لجناب حضرتك .!؟
حاضر فى حاجة تانية :
طيب ممكن تقولي لما الراجل يطلع عايش هل كل اللي شاف الخبر علي صفحتك يجي يديك قلم علي قفاك علشان متعملش كده تاني .
الغريبة والعجيبة فى نفس السياق المقرف .. انك مش بتكون عارف النجم ده عمل دور ايه من اهم اعماله .. وتاريخه ولا إبداعاته الفنية .. كمان ماصبني ولا عاصر لورد كاش ولا حتي من جيل جمالات كفته . .!
يعني انت مش من المعجبين ولا حتي عبدالله احمد عبدالله ( ميكي ماوس ) اللي كان بيقول تاريخ النجوم واحنا صغيرين ومين اتجوز ومين طلق ..!
سخافه التطفل علي المشهورين احياءا وامواتا . وياسلام لو عندك معاه صوره اتصورتها في فرح ابن جرانكم معاه من عشرين سنه . يبقي مرار طافح علينا وعلي اللي خلفونا .!
إلى اللقاء مع كاتبتنا المفضلة فقط وحصرياً على موقعنا بس .
