الرئيسية / رئاسة المدينة / اللواء اشرف مروان رئيس إئتلاف الوطن الأكبر يفتح قلبه : لدينا 5 ملفات كبيرة على رأسها الفقراء وقضايا الشباب والفلاح المصرى .!

اللواء اشرف مروان رئيس إئتلاف الوطن الأكبر يفتح قلبه : لدينا 5 ملفات كبيرة على رأسها الفقراء وقضايا الشباب والفلاح المصرى .!

أخبار الشرق الأوسط

حوار أجراه : أحمد بكر سليم

على مدار مشوارى المهنى فى بلاط صاحبة الجلالة , لم اجد الا القليليين ممن يتحدثون بتلقائية ..  ومن قلوبهم تخرج الكلمات تصيب الفؤاد .. وانى لأثق فى أدواتى وصدق حدسى فى الرجل .. الذى اجلس امامه وفى مكتبه .. بدا لى  انه صاحب جينات خاصة .. واثقاً من نفسه .. متواضع إلى ابعد حد  رغم انه رجل عسكرى وجينرال الا إنك تشعر إنك امام رجل مجتمع .. يعى دوره ويجهز نفسه كى يقدم مابوسعه لمصر وشعبها , مؤمناً بدوره القتالى  .. فهو مقاتل من طراز نادر .. لم يكفيه مشواره فى القوات المسلحة المصرية ..  بل راح يكرس ماتبقى من عمره لهذة الأرض .. من خلال حديثى معه وجدت برنامج سياسى وخدمى يتخلله التفائل , ويكسوه الأمل من صوب ..  فلو تم تطبيقه بالفعل على ارض الواقع سيكتسح .. وسيتربع بإتلافه وخلفه رجاله على القمة  ..!

هو اللواء المقاتل  ( أشرف مروان ) رئيس إئتلاف الوطن الأكبر كان  لنا معه هذا اللقاء .

* بداية من هو اللواء اشرف مروان ابن القوات المسلحة وكذلك الإنسان .؟

 


** اشرف مروان فهيم الخميسى..

ظابط قوات مسلحة سابق  , بسلاح المدرعات ,  خدمت فترة  من خدمتى فى الأمن الحربى  , وصلت فيها  إلى قسم  ( الأمن الحربى ))  منطقة غربية عسكرية .. ثم  خرجت من الخدمة سنة 2017 اشتغلت بعدها نائب مدير ادارى ومدير امنى للجامعات الكندية فى مصر فى العاصمه الاداريه لمدة سنتين  .. بعدها اتجهت للعمل الحزبى او العمل العام كانت بدايتى ف (( حزب مصر القومى ))  كنت اتولى  امين عام غرب الشروق  .. وبعدها امين عام قطاع شرق القاهرة وأنهيت خدمتى او عملى فى حزب مصر القومى كنت مساعد رئيس حزب لشؤن الامن القومى وبعدين فكرنا فى موضوع الائتلاف وهو (  ائتلاف الوطن الاكبر )  وفكرنا نعمل الكيان السياسى بتاعنا وكان علشان نعمل الكيان ده حتى يكون له  تواجد فعلى و قانونى على  ارض الواقع كان لازم نشتغل تحت مظلة حزبية موجوده فعلا ,  ومن المهم جداً  إنها تكون موجودة  بالفعل ومؤثرة وجاذبة فلابد لها اى الفكرة ان  تكون تحت  مظلة  محترمة ولها تاريخ سياسى ووطنى مشرف ..  فوقع اختيارنا على  حزب الغد .. حزب الغد له مواقفه وتاريخه  .. فالمهندس ( موسى مصطفى موسى ) من القيادات الحزبية المرموقة والقوية .. فهو رئيس حزب ثقيل , وواعى ومثقف بل اعتقد انه مدرسة كبيرة فى عالم السياسة .. وهذا يتضح جلياً من خلال خوضه إنتخابات الرئاسة امام الرئيس السيسى فى الفترة الثانية ..!

* الم يكن هناك دافع اقوى من ذلك  .. فلماذا اختارت حزب الغد تحديداً.؟

** انا لا اجامل حزب الغد .. فهو حزب موجود على  ارض الواقع حزب معارض يتبنى جبهة  المعارضة الشريفة و البنائة  .. هذا فضلاً كما ذكرت فى السابق  ان رئيس حز ب الغد راجل وطنى من طراز فريد , و مخلص للوطن  كان مرشح سياسى سابق ابلى بلاً حسناً وبشرف ومجهود يضاف لتاريخه الوطنى والسياسى  .. هذا فضلاً عن  توجهه  , معروف التوجه الوطنى المحترم البناء ..  فلما اخترنا الحزب ده وقعدنا مع المهندس  ( موسى )  الراجل رحب بينا جدا  .. وحصل التوافق فى النهج والفكر , وحصلنا بكل ثقة على  المظلة  الشرعية الخاصة (  بحزب الغد )  اللى اشتغلنا عليها ومكثنا نبحث وندرس ونتدارس كل سبل النجاح .. ومن هنا جاءت فكرة الإتلاف   واسسناه على هذا الأساس المتين  الاتلاف , وبفضل الله نحن جميعاً انا وزملائى اعضاء الإئتلاف الشرفاء المخلصين نعمل   فى تعاون مثمر  وبناء إلى أقصى حد  .. واحب اقول لحضرتك وبصراحة إن حزب الغد فى كل حاجة ويوفر لنا كل مانطلبه  ..  والراجل رحب بينا فى كل تعاون كنا  بنقوم به بنعمله ,  وكان ولازال بيعطينا   الحرية  الكاملة  فى  الإنطلاق  , والشغل تحت مظلة  ( حزب الغد )  والتعاون مع حزب الغد والعمل من خلاله يعطينا دفعة قوية وامل كبيرين فى الإستمرار وبذل الجهد , الذى نرى ثماره على ارض الواقع  ..  ولهذه اللحظة انا نائب رئيس حزب الغد ورئيس ائتلاف الوطن الأكبر  .. فأنا فخور ان اكون من قيادات حزب الغد الذى انطلق منه هذا الكيان الذى نعمل من أجله  .. وهو إتلاف الوطن الأكبر  .!

 


* سيادة اللواء ( أشرف مروان ) ماهو برنامج الإتلاف و الخطة  الاستراتيجية والإجتماعية التى  تبحر فى خاطرك .. ؟

وماذا سيقدم ائتلاف الوطن الأكبر  لشعب مصر.؟

وهل سيكون أضافة للعمل الحزبى والسياسى والخدمى .. أم سيكون مجرد تحصيل حاصل ..؟!!

وهنا رجع بظهره .. وابتسم ابتسامة من الرضا والإرتياح  وبكل ثقة راح يجيب وكأنه يحمل الكثير لأبناء مصر  ويعى جيداً دوره المنوط به وأجاب :

**الهدف الرئيسى إن  الائتلاف عندنا اللى هوه يكون ائتلاف  كبير وفعال او او بالأحرى يصبح بالعمل والجهد كيان سياسى لمصر فى عندنا خمس قضايا   تشغلنا ونهتم بها بكل الإهتمام  وهى :

البحث العلمى  .. ودعم ورعاية الفقراء وقضاياهم .. و المراة  و الشباب و ذوى الهمم  .. كذلك المشروع الخدمى الاجتماعى للشعب المصرى خلال الفترة القادمة .. ولكى نمس ونحس  بالمواطن فى كل حاجة محتاجها

ينبغى علينا ان ان نعمل بجوار مؤسسات الدولة , ونساهم فعلياً بكل مانملك حتى يتسنى لنا مساعدة المواطن خاصة البسطاء من أهلنا فهم بحاجة ماسة إلى دعمهم  .. وهذا ستراه على ارض الواقع وبشكل دائم ومستمر .. نحن لن نكل ولن نمل فى تقديم مابوسعنا لمصر .!

*ماذا سيقدم الائتلاف للمخترعين الشباب  وللناس الى عندها افكار علمية وابحاث تقدمية .. فمصر بحاجة إلى وجود مخترعين وعلماء فى كل المجالات  .؟

ولمحت فى عينيه وشعرت بعمق مقاصدة فى هذا الملف المهم  .. فأجاب سيادة بكل ثقة  :

**  نحن نهتم بالفعل بهذا الجانب المهم  ..  بنتبنى بالفعل  المخترعين الشباب  , ونمدهم بكل الرعاية المتوفرة لدينا ونجلس معهم بصفة دورية فى لقاءتنا وإجتماعاتنا هنا فى مقر الإتلاف ونؤمن بالفكر بتاعهم والدراسة بتاعتهم الموجوده على  ارض الواقع  .. فعلا احنا عايزين حاجه نقدمها وتكون اليات تنفيذها موجوده وهساعدهم ولن ابخل عليهم لإن مصر بحاجة إلى مزيد من العلماء خاصة الشباب .ز فإذا ارادنا ان نكون متقدمين وفى مصاف الدول العظمى ينبغى علينا ان نحتضن المخترعين والموهوبين فى كل المجالات  وهذا أمر نعكف عليه ونعطيه من وقتنا وفكرنا  لإن ذلك يعد من ضمن البرنامج  .. فبرنامج الإتلاف واهدافه ومقاصدة يأتى على رأس اولوياته ( العلم والعلماء ) خاصة الشباب فهم بحاجة ضرورية إلى دعمهم ومد اليد لهم …!

* اعتقد ان سيادتك تضع  التعليم فى المقدمة .. فما هى الأفكار المطروحة التى ستساهم فى النهوض بمستوى  التعليم .؟

** شوف بكل امانة .. لابد ان نضع أيدينا على حجم المشكلة التى تواجه التعليم فى مصر منذ عهود  .. !

إحنا طبعاً  بنواجه مشكلة فى مصر بسبب التعليم مننكرش ده او هوه ده الواقع الموجود  , والفكر الرئيسى هو ان لما اجى اقدم مشكلة عن البلد بقدمها بشكل اول حاجه لازم يكون الشكل النقدى محترم مفيهوش اى إسقاطات ..  مفيهوش اى إهانات  .. مفيهوش اى تجريح من اى نوع .!

أنا بقدم  الأن مشكلة أزلية   .. ففى  اعتقادى ومن التحضر والمنطق ودراسة الواقع وإحترام كيان الدولة ومؤسساتها المختلفة خاصة مؤسسة التعليم , و لو قدمت مشكلة للنظام ابقى انا عرقلت تقدم اى مشروع ماشى نحو التقدم والنهوض .. وهذا ينطبق كذلك على  اى اتجاه ماشى .!

ينبغى ان تكون المعارضة شريفة وبناءه وليست هدامة  ..!

* سيادة اللواء أشرف مروان ماذا عن وجهة نظرك تجاه  المشروع اللى انت مقدمه لشباب الخريجين .. وهل يشغل بالك قضية البطالة التى تؤرق شباب مصر .. فالبطالة قضية شائكة ويعانى منها الاف من الشباب ولها بالتالى أعراضها الجانبية خاصة على نفشسية الشباب العاطل الذى يشعر بشيء من الفشل وبالتالى اليأس والضيق ..!؟

**  كما ذكرت لك استاذ احمد ان الشباب لهم نصيب كبير من إهتمامنا  لإنهم مستقبل هذا الوطن .. وانا ينتابنى نوع من الألم حينما اجد أن هناك بعض الشباب يعانون مر الحاجة .. او يجدون ان الأبواب قد اغلقت فى وجوهمم فأنا اب واشعر بهم واظل افكر فى قضاياهم طويلاً  وتشغلنى حياتهم  .. لذا هناك   ( مشروع قومى )  كان تم المناقشة  فيه وتقديم دراسات كثيرة  مع المهندس  ( موسى )  رئيس حزب الغد  .. حاجه زى بنك المعلومات كده  , او بنك الاستثمار خاص باشباب الخريجين و يسمى بالمشروعات الصغيرة  ومتناهية الصغر هنعمل مشروعات او نعرض مشروعات المصانع المتوقفة  ..  حانسعى  لإعادة  تشغيلها من جديد  بشكل يشغل المصانع دى ويدى اسهم تشغيل للشباب اللى بتخش تساهم وتشغل الدنيا دى ..  بحيث اننا نكون ضربنا عصفورين بحجر المصانع المقفولة  اشتغلت وتقوم من عثرتها ,  ومحملناش  الدولة عبئ التشغيل او عبئ التكلفة فى اعادة تشغيل المصانع دى  وفى نفس الوقت وده المهم عندى اننا محنا  فرصة جديدة يكسوها الأمل للكيان  .. بمعنى :

إنك صاحب كيان موجود او كان موجود اليوم  اشتغل بقى ونمى الكيان ..!

حاتكون النتيجة حضرتك ان المصنع هينتج  وستدور عجلة الأنتاج بلا قيود واحنا ننتج  إنتاج يساعد عجلة النهوض فى الدوران ..!

لو تحقق ذلك بعون من الله والشرفاء والمخلصين فى مصر وفى الإتلاف سنجذب استثمارات جديدة تضاف  .. ومن ناحية أخرى  هنغطى السوق المحلى  .. هنعمل إكتفاء ذاتى لكل حاجة  ومش حانحتاج شيء من العالم المتقدم ..  ده الى احنا بنبص عليه   , وشاغلنا الشاغل .. وارى اننا سننجح فى ذلك بالصبر والعمل مش بالشعارات او الكلام المعسول .!

* ماذا تحمل   للفلاح المصرى .؟

** الفلاح المصرى هو سبب عيشتنا ف البلد دى والسبب الرئيسى اللى احنا عايشين  .. وانا أدرك اهميته  .. فمصر يعرف عنها انها اول من عرفت الزراعة .. هى سلعة الأرض  .. انا اللى  بدرسه وبافكر فيه  الفترة اللى جاية هو كيفية  تقديم مايمكنا تقديمه للفلاح المصرى .. بل  كل ما يمكننا مساعدته .. خاصة  فى ان هوه يكون وهوه  بيزرع الارض يتطمن ان الناتج الى هيطلع من ارضه متاخد ومتباع ليغطى تكاليف زراعته .. لأبد ان الفلاح يكسب ويكون مستريح وراضى ..   احنا  بنسعى وبنحاول نجعل  الناتج ده يغطى تكاليفه ويكون المنتج يصلح للاستخدام والتصدير .. حتى يكون فى عائد راجع للدولة ..  لازم البلد تستفيد من الخيرات الموجودة  ..!

اؤكد لك ان (  الفلاح المصرى )  هاننظر له نظرة معنوية و مهمة جداً

ودائما بسترجع لفظ كان اتقال من سيادة الرئيس  ( عبد الفتاح السيسى ) عن طريق المتحدث الرسمى وقتها  وهو  ( العميد ياسر  ) :

(( ان هذا الشعب لم يجد من يحنو عليه  )) :

فاَن الاَوان ان الشعب ده فى كل فئاته يلاقى الى يحنو عليه.. وانا كلى ثقة فى الله وفى زملائى اننا نقدم شيء إيجابى جنباً إلى جنب دولتا وقيادتنا الحكيمة  .!

*ماذا ستقدم لاصحاب الحرف اليدويه .؟

** احنا بنجهز ان احنا هنعرضها فى معارض داخل مصر وانشاء الله نعمل دراسة وافية فى هذا الصدد ..  اننا نسعى جاهدين  اننا نعرض تلك الصناعات اليدوية فى معارض دائمة  خارج مصر لتلك المشروعات , بحيث ان احنا يكون فى عائد راجع لصاحب المهنه دى  .. والبلد فى نفس الوقت  بتكسب انها بتعرض منتجاتها فى معارض دولية .. كذلك انت تقدم نموذج مشرف لزيادة الوعي ..   انت بتعمل وعى او نشر لأصالة المنتج اليدوى المصرى فهذة المنتجات تعد ميراث وتاريخ بتجسد حياتنا وعاداتنا وما نستخدمه ده شكل حياتنا  .. واتذكر ان خان الخليلى كان مقصداَ لكل سائح اجنبى .. كذلك  ستعرض هذة المتجات اليدوية  بأقل  التكاليف الممكنه عن طريق المنتجات نفسها الى موجوده  ..!

اعدك وكلى أمل اننا  سنبذل مابوسعنا لتحقيق ذلك  .. ولأبد أن نساعد لترويج الكلام ده بره مصر علشان نقول وبكل فخر  ياجماعة  مصر اهى وده هيبقى ابلغ رد للناس الى بتهاجم مصر م بره مصر بشكل عملى .

* ماذا عن الثقافة وماتحمل للمثقف على ارض مصر .؟

** احنا هاندعم دور وزارة الثقافة جداَ  الفتره الى جايه  .. هانحاول نقدم الى نقدر نقدمه , عن طريق  نشر الوعى الثقافى لاى حاجة ولكل المجالات  ..  عن طريق وزارة الثقافة نفسها .. خلينا نقول اننا الفتره الى جايه دى حانخوض معركة الوعى ..!

احنا هنخوضها بشكل متوازن لأجهزة الدولة ..  وداعم لأجهزة الدولة وفى نفس الوقت تكون بصمتنا فيه  .. ونقول احنا يمصر اهو بندعمك وواقفين وراكى ف كل حاجه  .. هاننشر وعى ثقافى محترم  .. هنغير الفكر اللى غلب علينا الفتره الى فاتت  .. الفكر الأسود اللى انا بعتبره فكر هدام وليس بناء هانستبدله بالفكر البناء ومعنا المثقفين والكتاب بل وكل صاحب فكر وسنؤسس لدار نشر كبيرة تجمع كل مؤلفات الفكر البناء القدامى والجدد وسنتواصل مع هيئة قصور الثقافة على مستوى الجمهورية ..  وهايتم التواصل مع الجهات الامنيه ف حاجه زى كده وان شاء الله نقدم حاجه كويسه اوى للبلد الفتره الى جاية فلدى العزيمة والأمل .

* انت شايف مصر رايحة على  فين بقيادة الرئيس عبد الفتاح السيسى علشان فى ناس مش عاجبها الوضع  خاصة اللى بتعانى الفقر والمرض والجهل هذا الثالوث الفتاك القاهر  ..!؟!

** يوجد كلمة  للرئيس  ( عبد الفتاح السيسى ) كلمة من القلب  خرجت من قلبه .. واللى بيخرج من القلب بيوصل للقلب دون حواجز او فواصل او عراقيل ..  قال سيادته :

مخاطباً شعبه (( انت ياشعب مصر  هاتتعبوا  معايا ..! ))

وايضا قال كلمة تانية وهى  :

(( مصر ام الدنيا وهتبقى قد الدنيا  ))

وانا من وراءه اقول  مصر بالفعل قد الدنيا  .. وانشاء الله بالمخلصين والشرفاء والمقاتلين حاتفضل  قد الدنيا.

* ماهى  الرساله التى ترغب فى  توجيهها للرئيس عبد الفتاح السيسى.؟

** احب اقوله انا تلميذ من تلامذتك مقاتل من المقاتلين اللى انت ربيتهم على  الفروسية ..  وبقولك يافندم كمل واحنا وراك ..  كمل واحنا معاك

احنا ف ضهرك ياريس  ف كل حاجه انت معاك 100 مليون مقاتل ماتلتفتش للى بيحصل .. ولا تحزن ابداَ فأنت الأمل والقوة والصمود انت بالفعل بانى مصر الجديدة .. ولأانك ناجح سيهاجمك المارقين والخونة والكارهين لمصر  ولان دايما الناجح بيلاقى اعداء النجاح انت ياريس  اختارت تمشى المشوار وانت قدها وكمل يافندم  ونحن على العهد  .. سنظل خلفك وبجوار بلدنا  وداعمين لسيادتك  .. وانشاء الله النجاح هيكون حليفك ولان الله لايضيع اجر من احسن عملاَ ..  وانت احسنت العمل ومن قبلها منذ ان قولت مقولتك الشهيرة ( ودقت ساعة العمل )  وربنا يوفقك انشاء الله.

عن Azzadem

شاهد أيضاً

اللواء * حمدى الحشاش * سكرتير عام محافظة الأسكندرية يفوز بشخصية العام 2019 فى خدمة المواطنين .!

أخبار الشرق الأوسط كتب .. أحمد بكر سليم لم تكن مجرد صدفة .. أو ضرب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*